مـــــــــصر

مصر يا وطن الابطال
يا ارض العزه والكرامه
يا ارض العلم والايمان
ستبقى دائما وابدا مرفوعه الرأس
اسمك محفور فى فى اعماقى ينبض به قلبى قبل ان ينطق به لسانى
يشهد العالم اجمع على عظمتك
ويود البشر جميعا لو انك احتضنتيهم على ارضك الطيبه
على ضفاف نيلك الدفئ
تحت سمائك الصافيه

تركتى لسهر الليالى

احببتك ... من اعماقى عشقتك ... قلبى وهبتك ... حلمى شاركتك ... على نفسى ائتمنتك ...

لم تعرنى اهتماك ... القيت بى الى سله مهملاتك ... لم تعد ترانى امامك ... بعد اذ كنت تقول انى حياتك ...

تركتى لسهر الليالى ... وضعتنى فى حيره وسط الامى ...بيديك دمرت احلامى ... سلبتنى حقى فى الامان ...

26/9

اعلان بدء الدراسه يوم 26/9
طبعا الاعلان بما انى عرفت عنه حتى صدمت
يعنى ايه هتبتدى الراسه يوم 26/9
هو الوزير ده مش واخد باله ان فى حاجه اسمها انفلوانزا الخنازير ماشيه فى البلد ولا ايه؟
مش واخد باله ان فى فصول عدد الطلاب فيها 60 طالب ويمكن اكتر
يعنى لو واحد عطس عطسايه صغننه وهو عنده انفلوانزا هيعدى كل الفصل
لاكن طبعا نظرالوعى الوزاره والوزير بالموضوع ده طرحوا كذا اقتراح منهم :-
1- يعملوا الدراسه 3 ايام فى الاسبوع !!!!!
3 يا ظلمه
ده لما بقو 5 ايام خليتوهم 9 حصص اومال مع 3 دى هتعملوا ايه فينا ان شاء الله؟؟
بعدين ده مع ال5 ايام والمناهج مبتخلص فما بالك 3 ؟؟
وطبعا اللى سمعته بعد كده ان الاقتراح ده حطوهفى الrecycle bin
مهو اكيد ده مصيره لانو اقتراح متخلف

2- يعملو الدراسه على 3 فترات !!!
3 فترات ياحلاوه ياولاد
هتبقى زى السيما يعنى حفله 6 وحفله 12 وحفله 6 مساء
وانا بقى من رأى ان الاقتراح ده المفروض يحصل اخوه اللى فوقيه لان كده على ما اعتقد بتوع 6 مساء هيروحوا بيتوهم على الساعه 12
هيجيبوا مدرسين بقى؟؟؟

طبعا وانا اعدى بغلى من الاقتراحات التحفه اللى عمالها اقراها واسمعها
دخلت عالجوجل حبيب هارتى استكشف الحكايه
لقيت خبر كان على وشك انو ينقطنى
وهو ان الهند قفلت كل المدارس والجماعات بمومباى
بلد خايفه على ناسها
بلد باقيه عليهم مش هنا
هيقلك الحاله فى مصر متسيطر عليها
هقله رد رده عليها رئيس قسم بالقصر العينى بالنص
"المرض دلوقتى نايم عشان الصيف لان الدنيا حر جدا ورجه الحراره بتوصل 45 فكفيله انها تموت الفيرس لكن المشكله اللى بجد هتبان فى الشتويه الجايه"
ده كلام راجل واعى
والدراسه تلاته ارباعها فى الشتا
يعنى احنا دخلين على حاجه كده نقدر نقول عليها كارثه
والوزير مش فى دمااااااااااااااااااااااااااااااااااااغه
طب ما يأجلو الدراسه شويه لحد ما يعملو عقار مضاد للمرض ويطعموا بيه التلاميذ؟؟
هيحصل حاجه القيامه هتقوم يعنىطب مفى امريكا قفلو 13 مدرسه ده غير الهند اللى قفلت كل حاجه فى مومباى زى ما قلتكم
اووووووووووووووووووووووووووووووووووووووووووووف
طبعا كل الكلام ده ممنهوش فايده ومش هيجيب نتيجه مع سيادته اللى فى دماغه هيفضل فى دماااااااااغه
فقأقلكم على حل خالتو قالتلى عليه بعد قبل السحور وقبل الفطار شربوا عيالكم لمون عليه معلقه عسل ابيض متدوبه فى شويه ميه
بس
كفايه عليكو كده

للأسف طلعت ..................

قادتني ذاكرتي ذات يوم الى فتاه اول انطباع تأخده عنها هو اللا انطباع !!
الى فتاه فى عينيها برأه الاطفال ولكنها على علم شديد بما يدور حولها !!
الى فتاه تعشق والديها رغم ذلك ربما لا ترها الا وهى تتسبب فى جراحهما !!
الى فتاه هادئه هدوء مريب ولكنها اذا غضبت فكأن اعصار ضرب المكان !!
الى فتاه لا تكره شئ فى هذه الدنيا الا الحب !!
الى فتاه تعشق الصمت رغم ذلك يستحيل ان تراها الا وفمها مفتوح !!
الى فتاه اغلى ما تملك هو خيالها رغم ذلك تأبى ان تعيش فيه ولو للحظه !!
الى فتاه عندما تراها تنسى جرحك وتتذكر فرحك رغم ان بداخلها جراح تبكى قلبها دما !!
الى فتاه يتهما من يراها بالمكر وسواد القلب واثناء ذلك تكون مشغوله بالبحث عن سبب لتسامحهم !!
الى فتاه تؤمن اشد الأيمان بأن كل ما على الدنيا فان رغم ذلك لا يفارقها حلم الخلود !!
الى فتاه ذات ذكاء نادر بشهاده الكثيرين ولكن عندما تراها لأول مره تشعر بالغباء فى عينيها !!
الى فتاه اكثر ما يشغل بالها هو المستقبل ولكنها لا ترمى الماضي ولا تضيع الحاضر !!
الى فتاه تحب الدنيا والدنيا تكرها متفائله الى ابعد الحدود ولكن الدنيا تأبى الا أن تتشاءم !!
الى فتاه غالبا ما تجدها تدندن الاغاني رغم انها تنبذ الاغاني !!
الى فتاه دائما فى صراعات مع الدنيا لتعرف من هي وما تريد وما هي فائدتها ولكا الدنيا تصر على تزايد حيرتها !!
اخيرا علمت من هي تلك الفتاه اللتى خطفتنى بمشاكلها
اللتى اسرتني بشخصيتها
انها ليست بعيده
وليست غريبه
انها .................. انا

لماذا

لماذانصادق؟!هل لنئامن شخص ما على اسرارنا لنجده ببساطه يفضحها !

لماذا نحب؟! هل لنتعلق بمن نحب ونبنى معه الامال ثم فجأه يتركنا ويذهب !

لماذا نتعلم؟! هل لنعرف حقوقنا وعند مطالبتنا بها نصبح ارهبيون !

لماذا نعمل؟!هل لنتعب ليل نهار فى خدمه وطن لا يردنا بين احضانه !

لماذا نحيا ؟!هل لنحب ونصادق ونعمل ونتعلم ثم ....نموت !

شئ غريب لم اجد احد يعرف له تفسيرا

اذا كنا نصادق فنشارك صديقنا افراحنا واحلامنا واسرارنا بعدها يتم نسياننا فلم اذن نصر على ان نصادق ؟

اذا كنا نحب ونحن على يقين ان من نحب سيأتى يوم ويفارقنا فهذه سنه الحياه فلماذا نصر على ان نحب مره واثنتين وثلاثه ؟

اذا كنا نتعلم لنتثقف وتتنور عقولنا ونعرف واجباتنا وحقوقنا لنطالب بها عندما نريدها فلا تتلبى بل ونتهم اننا مقصرون فى حق دولتنا وفى حق انفسنا فلم يصر الاباء على ارسال ابنائهم للمدارس وهم يعلمون ان الشهاده التى سيأخذونها لن تساعدهم على الاتحاق بأى عمل ؟

اذا كنا نهلك انفسنا فى العمل ونحن نعرف ان راتب الشهر لن يدوم الا ليوم واحد فلم نهلك انفسنا فى العمل ؟

اذا كنا نحيا لنفارق ونخدع ونجوع ونذوق الذل فلم نحيا اذن ولم نظل متمسكين بهذه الحياه ونكون على استعداد تام للتضحيه باى شئ للبقاء فيها ؟

فعلا شئ غريب !!!

اه منك يا دماغى

السلام عليكم ورحمه الله وبركاته

طبعا بما ان دى تعتبر اول حاجه اكتبها فمن المتوقع انها تكون ملغبطه ودربكه (معلش استحملونى)

نبداء بسم الله

امبارح يوم حر وليله خنقه ولسوء الحظ مروحه غرفتى باظت :) اعمل ايه بقى يا ربى

رحت نمت فى غرفه ماما وبابا (مزعجه انا :D) وراحو مشغلين التكييف قلت ومالو جيت بقى انام لقيت نفسى مره واحده ضميرى بيأنبنى

-ياربىىىىىىىىىى يعنى هو التأنيب حبك دلوقت انا عايزه اناااااااااااااااااااااام -وطبعا التكييف كان سبب التأنيب اعدت افكر انى مذنبه عشان انا السبب فى ان ماما تفتحو (رغم انو مش بيتقل غير حبه صغنين) واعدت افكر فى الملاييييييين اللى بيعانو عشان خاطر انا متحرش :(

والاحتباس الحرارى وكووول ده لقيت نفسى لأول مره من ساعه متولد بدافع عنى يعنى مهو مش انا الوحيده فى العالم اللى فاتحه التكيف لو قفلته فى ملايين غيرى فاتحينو ولو قفلته ده مش هيغير من واقع ان حراره تانى يوم 44 وبعدين فكرت فى الكويت لما عطلو المصالح والكهربا والمياه لما درجه الحراره وصلت 50 لكذا يوم طيب مهو بسبب الاختراع المنيل ده هتعدى ال50 وده هيبقى مستمر بعد كده (الله اعلم) يعنى احنا احتمال نمر بسنين من غير كهربا ومياه وشغل (اكتر من اللى احنا فيه) يعنى الانسان ممكن يرجع لحياته البدأيه تانى وهنا راح تفكيرى لحاجه تانيه خاااااااااااالص ان اى حاجه بتبدأصغيره وبعد مبتوصل لذروه نموها بترجع تصغر تانى!‍!!! يعنى ياترى هى دى بدايه النهايه ولا ايه بالظبط

اوووووووووووووووف كل ده وانا كنت عاوزه انام تصوروا :D

يلا اعمل ايه بقى اهى دى دماغى اللى بعانى منها وهتعانو معايا انا وهى كتيييييييييييييييييييييييير :D

اول ليله

السلام عليكم ورحمه الله

دى اول ليله هنا فى البلوج ده وقلت بدل متتعبوا نفسكم وتسالونى وكده هحاول اقول المختصر المفيد

واللى عاوز يسأل برضه انا تحت امره

اسمى هدير بنت مصريه عايشه فى القاهره يعنى وسط الزحمه والدخان وده اكيد له تاثير عالنفسيه

بحب القرايه والرسم وكره الباسكت وهوايتى الجامده قوى انى اقعد اتفرج على ماتشات الاهلى وادعى انو يخسر

-زملكاويه حتى النخاع- :D

بحب اقعد اكتب على الوق اى حاجه تيجى فى بالى بس الورق ده يضيع اكتب فى كراريس تتقطع اكتب عالكومبيوتر واحفظه يتمسح :D

-وعرفت الموقع ده من فاروق عادل عنده مدونه جامده على فكره -فلجأت للحل الاخير عندى وهو انى اكتب هنا وطبعا قعد محتاره فى الاسم اسميها ايه اسميها ايه ومش لاقيه ولا اسم يتيم لحد مجه فى دماغى اسامى كتيييييييييييير مره واحده ومش بقيت عارفه اسميها ايه

رحت اقعدت ادندن اغنيه سهر الليالى-بعشق الاغنيه دى على فكره-رحت قلت والله لمسمياها كده ومن هنا جه الاسم

اتمنى انى مطولتش عليكم

واللى عندوا اى سؤال انا تحت امركوا ان شاء الله

والسلام عليكم ورحمه الله