السلام عليكم ورحمه الله
دى اول ليله هنا فى البلوج ده وقلت بدل متتعبوا نفسكم وتسالونى وكده هحاول اقول المختصر المفيد
واللى عاوز يسأل برضه انا تحت امره
اسمى هدير بنت مصريه عايشه فى القاهره يعنى وسط الزحمه والدخان وده اكيد له تاثير عالنفسيه
بحب القرايه والرسم وكره الباسكت وهوايتى الجامده قوى انى اقعد اتفرج على ماتشات الاهلى وادعى انو يخسر
-زملكاويه حتى النخاع- :D
بحب اقعد اكتب على الوق اى حاجه تيجى فى بالى بس الورق ده يضيع اكتب فى كراريس تتقطع اكتب عالكومبيوتر واحفظه يتمسح :D
-وعرفت الموقع ده من فاروق عادل عنده مدونه جامده على فكره -فلجأت للحل الاخير عندى وهو انى اكتب هنا وطبعا قعد محتاره فى الاسم اسميها ايه اسميها ايه ومش لاقيه ولا اسم يتيم لحد مجه فى دماغى اسامى كتيييييييييييير مره واحده ومش بقيت عارفه اسميها ايه
رحت اقعدت ادندن اغنيه سهر الليالى-بعشق الاغنيه دى على فكره-رحت قلت والله لمسمياها كده ومن هنا جه الاسم
اتمنى انى مطولتش عليكم
واللى عندوا اى سؤال انا تحت امركوا ان شاء الله
والسلام عليكم ورحمه الله
17 التعليقات:
متشكر يا هدير
انتى اول من علق فى البلوج
متشكر خالص بس انا ناقلهم على مكتوب بردو متشكر خالص
لو تحبى نتكلم سوا
modcena@yahoo.comm
دة اميلى
http://alamawy.maktoobblog.com
دى مدونتى على مكتوب
انا حاولت قبل كده اعمل مدونه على مكتوب لحد ما عينى طلعت ومش عرفت
خليك هنا وان شاء الله هتابع مدونتك على طول
على العموم نورتى مدونتى
ومجهزلك خناقة كبيرة يا زمالكاوية
ان شاء الله الدورى للاهلى
تقبلى تحياتى
مع السلامة
بوست جميل ياهدير..وفى انتظار لجديد
شكرا لاهتمامك يا فاروق
الف مبرووووك عالمدونة ياقمررر
واهلا بيكي معنا في عالم التدوين :)
شكك عسوولة موووووت
بس عجبتني حتة بحب اتفرج على ماتشات الاهلي وادعي انه يخسر هههههههههههههه شريرة يابت
بس انا بسمع دايما انه الاهلي جامد ومش بيخسر بالساهل :]
بغييييظك على فكرة انا مليش في الكوووووورة
:]
تحياتي
ههههههههههه
لا مش شر بس هو كسب كتير:D
كفايه عليه :(
واهلا بيكى هنا
نورتينى
شطووووورة قاعدة بتجربي القوالب اهو
تقدري تعملي معاينة وتشوفي القالب قبل ما تحفظيه ^ـ*
وبالنسبة لسؤالك ادخلي على لوحة التحكم _ التخطيط
واعملي زي الشرح دا
http://www.usp1.ps/up/uploads/images/usp1-ps-ac44b3331b.jpg
http://www.usp1.ps/up/uploads/images/usp1-ps-3c69b3139c.jpg
واي مساعدة انا موجودة ياقمررررر
:)
اهلا هدير
نورتي الفضاء التدويني
قعدت الف وادور لاية ماعرت بيضيفوا التعليقات منين
حلو جدا البوست
في انتظار جديدك وياريت تبقى تلغي حكاية تدقيق الكلمة لانها مزعجة شويتين
ههههههههههه
تحياتي
هههههههههههههه
معلش حقق عليا
بس قوليلى هى بتتلغى منين :(
شوفي ياستي
تفتحي
Customize
منها دوري على زر مكتوب عليه
Settings
ح تلاقي شوية حاجات كتيرة
اختاري منها
Comments
ح تلاقي شوية حاجات كتيرة تانية ح تلاقي السؤال ده
Show word verification for comments?
وقدامه دائرتين علمي على
No
وفي الآخر ح تلاقي زر اصفر في نهاية الصفحة دوسي عليه علشان تحفظي اللى غيرتيه
بس كده
اي خدمة
اسمعي لو تحبي تختاري القالب الي يعجبك وتقوليلي عليه وانا اركبهولك واجهزلك كل شي
انا مستعدة
؟؟
انا كمان مستعده يا انواره
بس ازااااااااااااااى
هذا ايميلي
ابعتيلي رسالة فيها بيانات تسجيلك للمدونة
يعني الايميل والباس و قوليلي اخترتي اي قالب او خلاص استقريتي عالموجود حاليا وقوليلي اي حاجة مضايقاكي بالقالب وانا هظبطها
منتظرة رسالتك ياقمرة
لو عايزة تغيري القالب جربي القالب ده كده
http://paradise-valley-deluxe.blogspot.com/
السلام عليكم
نورتى عالم التدوين
واجمل ما فيكى انك زملكاوية حتى ؟؟؟؟ اسمه ايه ده
ان شاء الله تنبسطي هنا معنا
تحياتى
شكرا ذو على اهتمامك وانك جيت
بس للاسف الكومنت بتاعك متاكل نصه
إرسال تعليق